Просмотров: 647

С.Сейфуллин атындағы Қазақ агротехникалық зерттеу университетінің Басқарма төрағасы – Ректоры, ҚР ҰҒА академигі Қанат Маратұлы Тіреуов Қазақстан Республикасы Президентінің жанындағы Адам құқықтары жөніндегі комиссияның жаңа құрамына кірді.

Комиссия туралы ережедегі жаңа түзетулерге сәйкес енді комиссия құрамын ҚР Президенті ішкі саясат және коммуникациялар мәселелері жөніндегі Президент көмекшісінің ұсынуы бойынша ҚР Президенті жеке өзі бекітеді.

Мемлекет Басшысы Қасым-Жомарт Тоқаев "Қазақстан Республикасы Президентінің жанындағы Адам құқықтары жөніндегі комиссия туралы" Жарлыққа өзгерістер енгізген 2024 жылғы 22 сәуірдегі Жарлыққа қол қойды.

Комиссия төрағадан, екі орынбасардан, хатшыдан және Комиссия мүшелерінен тұрады.

Айта кетейік, Қазақстан Республикасы Президентiнiң жанындағы Адам құқықтары жөнiндегi комиссия – Мемлекет басшысының Қазақстан Республикасының Конституциясына сәйкес танылатын және кепілдiк берiлетiн адамның және азаматтың құқықтары мен бостандықтарының кепiлi ретiндегi өзiнiң конституциялық өкілеттiктерiн iске асыруына жәрдемдесетiн консультативтiк-кеңесшi орган болып табылады.

Комиссияның негiзгi міндеттерi:

1) Қазақстан Республикасы Президентiнiң Қазақстан Республикасында адамның және азаматтың құқықтары мен бостандықтарының кепiлi ретiндегi өзiнiң конституциялық мәртебесiн iске асыруы үшiн жағдай жасау;

2) адамның және азаматтың құқықтары мен бостандықтарын қамтамасыз ету мен қорғау тетiгiн жетілдiруге жәрдемдесу;

3) орталық және жергiлiктi мемлекеттiк органдардың адамның және азаматтың құқықтары мен бостандықтарын қамтамасыз ету мен қорғау саласындағы мемлекеттiк саясатты iске асыру жөніндегi қызметiне жәрдемдесу;

4) адам құқықтары мен бостандықтарын қамтамасыз ету мен қорғау саласындағы мемлекеттiк саясат тұжырымдамалары мен бағдарламаларын әзiрлеуге қатысу;

5) адам құқықтары мен бостандықтарын қамтамасыз ету мен қорғау саласындағы халықаралық ынтымақтастықты нығайтуға жәрдемдесу болып табылады.

Комиссияның отырыстарын оның төрағасы қажеттілігіне қарай, бірақ тоқсанына кемінде бір рет шақырады.

Комиссияның жаңа құрамына Басқарма төрағасы – Ректор, ҚР ҰҒА академигі Қанат Маратұлы Тіреуовтен бөлек төмендегі тізім мүшелері кіреді:

• Рогов Игорь Иванович - ҚР Тұңғыш Президенті Қоры атқарушы директорының орынбасары (келісім бойынша), төраға;
• Әбішев Тастемір Дәутұлы - адам құқықтары жөніндегі ұлттық сарапшы (келісім бойынша), төрағаның орынбасары;
• Сабитова Айнұр Әлімханқызы – Абай атындағы Қазақ ұлттық педагогикалық университеті Сорбонна–Қазақстан Институтының директоры (келісім бойынша), төрағаның орынбасары;
• Қазақстан Республикасы Президенті Әкімшілігінің Ішкі саясат бөлімінің сектор меңгерушісі, хатшы;
• ҚР Бас прокуроры;
• ҚР Премьер-Министрінің орынбасары-ҚР Сыртқы істер министрі;
• Әлеуметтік мәселелерге жетекшілік ететін ҚР Премьер-Министрінің орынбасары;
• ҚР Жоғары Сот Кеңесінің төрағасы;
• ҚР Ішкі істер министрі;
• ҚР Мемлекеттік қызмет істері агенттігінің төрағасы;
• ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) төрағасы;
• ҚР Ғылым және жоғары білім министрі;
• ҚР Әділет министрі;
• ҚР Мәдениет және ақпарат министрі;
• ҚР Еңбек және халықты әлеуметтік қорғау министрі;
• ҚР Денсаулық сақтау министрі;
• ҚР Адам құқықтары жөніндегі уәкіл (келісім бойынша);
• ҚР Бала құқықтары жөніндегі уәкіл (келісім бойынша);
• ҚР Президенті жанындағы халықтың әлеуметтік осал санаттарының құқықтары жөніндегі уәкіл (келісім бойынша);
• Қазақстан кәсіпкерлерінің құқықтарын қорғау жөніндегі уәкіл (келісім бойынша);
• Александр (Могилев Александр Геннадьевич) - Астана және Қазақстан митрополиті, ҚР Орыс Православие Шіркеуінің Митрополиттік округінің басшысы (келісім бойынша);
• Бурашева Гүлмира Майорқызы – «Қайрат Иманалиев атындағы мүмкіндігі шектеулі адамдардың құқықтары жөніндегі Комиссия» қоғамдық бірлестігінің төрағасы (келісім бойынша);
• Байсақова Зульфия Мұхамедбекқызы – «дағдарыс орталықтары одағы» заңды тұлғалар бірлестігінің Басқарма төрағасы (келісім бойынша);
• Бикебаев Айдын Жолшыұлы - Республикалық адвокаттар алқасының төрағасы (келісім бойынша);
• Волкова Ольга Александровна - қоғам қайраткері (келісім бойынша);
• Воронов Виталий Иванович – «Алматы заң корпорациясы» мекемесінің адвокаты, Президенті (келісім бойынша);
• Дәулеталин Сатыбалды Телағысұлы - ҚР Кәсіподақтар федерациясының төрағасы (келісім бойынша);
• Жаркенова Светлана Бахытовна - Л.H. Гумилев атындағы Еуразия ұлттық университетінің конституциялық және азаматтық құқық кафедрасының профессоры (келісім бойынша);
• Жасымбекова Светлана Салаватовна - Қазақстандағы көші-қон жөніндегі халықаралық ұйымның-БҰҰ көші-қон агенттігінің көші-қон жөніндегі бағдарламалардың аға Ұлттық үйлестірушісі (келісім бойынша);
• Имашева Снежанна Валерьевна - ҚР Парламенті Мәжілісінің Заңнама және сот-құқықтық реформа комитетінің төрағасы (келісім бойынша);
• Қазкенов Руслан Қазбекұлы - "Civic peace" қоғамдық бірлестігінің төрағасы (келісім бойынша);
• Лукин Андрей Иванович - Қазақстан Республикасы Парламенті Сенатының Халықаралық қатынастар, қорғаныс және қауіпсіздік комитетінің төрағасы (келісім бойынша);
• Нұрғазиева Бану Ғаниқызы – «Қазақстанның Азаматтық альянсы» заңды тұлғалар бірлестігінің президенті (келісім бойынша);
• Осокина Ирина Юрьевна - Астана қаласы Адвокаттар алқасының адвокаты (келісім бойынша);
• Пен Сергей Геннадьевич - Maqsut Narikbayev University (KAZGUU) провосты (ректор) (келісім бойынша);
• Соловьева Айгүл Сағадибекқызы - "Қазақстанның экологиялық ұйымдары қауымдастығы" заңды тұлғалар бірлестігінің Басқарма төрағасы (келісім бойынша);
• Сман Айсана Сманқызы - адам құқықтары жөніндегі сарапшы (келісім бойынша);
• Тіреуов Қанат Маратұлы - С.Сейфуллин атындағы Қазақ агротехникалық зерттеу университетінің Басқарма төрағасы - Ректоры (келісім бойынша);
• Тұрмағамбетова Жемис Өтегенқызы – «адам құқықтары үшін Хартия» қоғамдық қорының директоры (келісім бойынша);
• Ударцев Сергей Федорович - ҚР Конституциялық сотының судьясы (келісім бойынша);
• Утпинов Наурызбай Тағанұлы - Бас мүфти, Қазақстан мұсылмандары діни басқармасының төрағасы (келісім бойынша);
• Хасанова Шахноза Кулабдулаевна – «Сана Сезім «әйелдер бастамаларының құқықтық орталығы» қоғамдық бірлестігінің директоры (келісім бойынша).